البيصارة : cuisine orientale

البيصارة

* البيصارة " تمراقت" : رابعة ديال الجلبانة ، رابعة الفول ، 3 ضروس من الثوم ، 4 معالق كبار من زيت العود ، ملح ، بعدما نقيو و نغسلو القطاني كنضيفو الماء و الملح ثم كنسدو عليها حتى تطيب ، ثم الا كان المراك أو العود ديال الزيتون كنخلطو مزيان ثم نقدم البيصارة بالصحة و الراحة .

* البيصارة بزيت أركان الفول اليابس مغسول يطيب مع شوية زيت المائدة ، كامون ، ابزار ، ملح ، 2 ضروس ثومة ، شوية الخرقوم ، منين يطيب لينا نديرو مزيودة حتى تطلق لينا ثم نطحنو في الطحان الكهربائي ثم نقدموها في طبق و نزينو بخيوط من زيت أركان مع خبز أفرنو "خبز تقيلدي " و شهية طيبة.

* بيصارة بالشحمة ديال الظهر ديال الجمل "بالدروة ديال الجمل" // نصف كيلو فول ، نصف رابعة من شحمة الدروة ديال الجمل " الشحمة اللي في ظهر الجمل " ، 3 ضروس ثومة، ابزار ، كامون ، تحميرة ، زيت العود ، ملح ، 1 لتر من الماء ، نسدو على الكل حتى يطيب ثم نقدمها و نزينو بزيت العود و الكامون .

* بيصارة بالفول الأخضر الطري // الفول الأخضر الطري نقشروه و نطيبوه مع زيت العود مدة 10 دقائق ، القزبر اليابس ، الكامون ، تحميرة ، ثومة ، ملح ، نجمعو الكل و نخليوهم يطيبو مدة 3 دقائق و نقدموها بزيت العود و الهريسة حسب الاختيار .

* بيصارة باللفت المحفور // الفول اليابس منقي و مغسول مع شوية زيت و نخليوهم يطيبو بالمهل مزيان حتى يتنفخ ، ثن تقطعي اللفت المحفور و تزيديه في الطنجرة ، تحركي و تضيفي الثومة و القزبر مدقوقين في المهراز مع شوية الملح ثم نضيفو الكامون و التحميرة و زيت العود.

بيصارة * رابعة من الفول و رابعة من الجلبانة ، نغليوهم حتى تطلع الكشكوشة و نبقاو نحيدوها حتى ماتبقاش ، نزيدو الزيت الكامون ، 5 ضروس ثومة ، ملح ، ثم نقفلو عليها الكوكوط و ندوزوها في الخلاط الكهربائي ثم نقليوها حتى تولي كتطلق الخيوط و من بعد نصبوها في زلايف و نزينوها بزيت العود و السوداني و الكامون و نقدموها بالصحة و الراحة.